Дар хилоли рӯзҳои гузашта, ҳавопаймоҳои зарбатии неруи дарёии Амрико ба ҳамроҳи ҷангандаҳои британиёӣ ба дафъот нуқоти мухталифи Яманро ҳадаф қарор додаанд. Дар муқобили артиши Яман посухи қотеъ ба ин иқдоми хасмона нишон дода ва борҳо бо мӯшакҳо ва паҳподҳои худ новҳои размии Амрико ва ҳампаймононаш монанди Британия ва Фаронсаро дар Дарёи Сурх омоҷи ҳамалот қарор додааст.
Ба гузориши Порс тудей, дар охирин таҳаввул дар ин замина фармондиҳии марказии Иёлоти муттаҳида(CENTCOM) дар баёнияе эълом кард, ки рӯзи шанбе анборҳои мӯшаку марокизи кантролу фармондиҳии Яманро ҳадаф қарордодааст. Дар ин баёния иддао шуда, ки ин ҳамла дар посух ба ҳамалоти Яман алайҳи новҳои амрикоӣ ва киштиҳои тиҷорӣ анҷом гирифтааст.
Нуктаи муҳим инки пас аз ин ҳамлаи ҳавоии муштараки Амрико ва Британия, фармондиҳии марказии Амрико рӯзи якшанбе аз ҳадаф қарор гирифтани як фарванд ҳавопаймои ҷангандаи “F18”-и амрикоӣ ҳангоми ҳамла ба Яман хабар дод. Артиши Амрико иддао кард, ин ҷети неруи дарёии Амрико дар асари «оташи худӣ» бар фарози Дарёи Сурх сарнагӯн шуда ва ҳар ду халабони ин ҳавопаймо зинда монда, аммо яке аз онҳо захмӣ шудааст.
Бар асоси ин иддао, ин ҷанганда бо мӯшаки сомонаи падофанди ҳавоӣ ва зидди мушакии размии нови «USS Gettysburg», ки бахше аз гуруҳи зарбатии нови ҳавопаймобари «USS Harry S. Truman» Амрико аст, ба иштибоҳ мавриди ҳадаф қарор гирифтааст.
Ҳамлаи шанбешаби Амрико ба Яман ва ба дунболи он аз даст додан як фарванд F18 ба арзиши 70 миллиондоллар, нахустин амалиёти гуруҳи зарбатии нови «USS Harry S. Truman» аз замони вурудаш ба минтақа буд.
Дар ҳоле, ки CENTCOM муддаии сарнагунии F18 бо оташи худӣ шудааст, аммо яманиҳо ин рӯйдодро ба гунаи дигаре ривоят кардаанд.
Яҳё Сареъ, сухангӯи неруҳои мусаллаҳи Яман дар баёнияе аз хунсо шудани ҳамлаи Амрико ва Британия ба Яман хабар дод ва гуфт: Бо ҳадаи қарор додани нови ҳавопаймобари «USS Harry S. Truman» ва теъдоде аз новшиканҳои он, ҳамлаи эътилофи амрикоӣ - британиёӣ ба кишварамонро хунсо кардем. Вай тасреҳ кард, ин амалиёт бо 8 фарванди мӯшаки v17 паҳпод анҷом шудааст.
Ба гуфтаи Яҳё Сареъ, талоши новшиканҳои амрикоӣ барои муқобила бо паҳподҳо ва мӯшакҳои яманӣ мунҷар ба сарнагунии як фарванд ҳавопаймои F18 шуд.
Нуктаи муҳим дар бораи сарнагунии ҷангандаи F18 ин аст, ки бар асари ҳамалоти доманадору густардаи яманиҳо алайҳи новҳои амрикоӣ ва британиёӣ дар Дарёи Сурх асосан сомонаҳои фармондиҳӣ ва кантроли Амрико ва низ сомонаҳои падофанди ҳавоӣ ва зиддимушакии он дучори сардаргумӣ шуда ва дар ин миён ҳам замон бо талош барои нобуди сохтани мӯшакҳо ва паҳподҳои Яман, ки ба сӯи ин новҳо шиллек шуда буданд, сомонаи падофанди ҳавоии размии нови «USS Gettysburg» ба иштибо F18-ро сарнагун кардааст.
Ин амр нишон медиҳад, ки иддаои бартарии бечуну чароӣ амрикоиҳо дар муқобила бо ҳамалоти яманиҳо башиддат зери суол ва мавриди тардид аст.
Аз сӯи дигар, ин рӯйдод ба масобаи нуқтаи атфе дар заминаи муқобилаи муассири Яман бо ҳамалоти Амрико маҳсӯб мешавад. Яманиҳо бо дарсомӯзӣ аз ин рӯйдод қодиранд, ки улгӯҳои ҳамалоти худ алайҳи новҳои амрикоиро ба гӯнае сомон диҳанд, ки муъзалоту чолишҳои бузургеро барои онҳо дар заминаи раҳгирии мӯшакҳо ва паҳподҳои яманӣ эҷод намоянд.
